الحمد لله إطمئنيت من الناحية الدراسية على إني أنهيت تعليمي الجامعي والأكاديمي
:) :) :) :) يا ألف نهار أبيض يا ألف نهار مبروك (: (: (: (:
ومن هنا تبدأ الرحلة إللي المفروض فيها عليا إني أفرض نفسي وأكون لنفسي حياتي الخاصة بكل ما تعني الكلمة من معني
وأبدأ بموضوع الجيش والعسكرية وده عن قريب هنشوف إذا كنت داخل الجيش ولا في التأجيل
في خبر حلو على فكرة
أنا بدور على شغل دلوقتي .... واحد واخد باله من كلامي يسأل؟ طيب إيه الحلو في الموضوع؟
حلو أوي السؤال ده ممكن أرد عليه؟ طيب خلاص هرد أهو
الحلو في الموضوع إني بدور على شغل بس في فرق وهو إني بدور على شغل وأنا من جوايا عارف ومتأكد إني هلاقي شغل ومش كده وبس دا أنا كمان هلاقي الشغلانة الي على بالي وفي مزاجي واللي من خلالها هقدر بعون الله آخد الخطوة اللي بعد كده
وهي أني اكمل نص ديني .... أتجوز يعني يا بشر
ودي حاجة مهمه (أقصد الوظيفة) لأني مش هروح لأهل العروسه بطولي كده !! لازم أبقى حاجة الأول تخليهم يطمنوا على بنتهم المصونه والجوهرة المكنونه معايا.
على فكرة الموضوع مش صعب إطلاقا (أقصد إن الواحد يلاقي وظيفة) الشغل كتييييير على فكرة جدا بس في سؤال الأول؟؟
لأي واحد بيدور على شغل إنت عملت إيه لنفسك الأول عشان تلاقي شغل وأقصد بكده إنك إستثمرت نفسك في إيه عشان تلاقي الشغلانه اللي بتحبها
يعني مثلا إتعلمت ايه وعلمت نفسك إيه ... ضفت إيه جديد لنفسك ... عندك ايه ممكن اللي يخلي شركة تحتاجك تشتغل معاها؟
يعني الواحد مننا هو رأس مال نفسه يعني الإستثمار الحقيقي فيك ... لازم تبني نفسك الأول وبعدين تبقى تبني حياتك على اللي إنت بنيته في نفسك
مش عايز أصبغ كلامي بصبغة الحياة الخيالية بس على الأقل أنا شايف الحياة العملية كده ولأنها كده بجد فتبقى دي قمة الواقعية
وبما إن دي حياتي الجاية
فإحنا هنتكلم بعد كده في إن اللي ملوش قديم ملوش جديد
يعني لو في مشكلة في القديم مينفعش نسيبها ونمشي لازم حلول
الكلام في المواضيع دي هيعوز شوية وقت وكمان ترتيبات
سلام مؤقت وأشوفكم الحلقة اللي جاية في حياتي الجاية
.jfif)
أحب أحيي حضرتك على التفكير العملي المنطقي ده
ردحذفكل أما أسمع حد بيتكلم بالأسلوب ده فى أنك لازم تبني نفسك الأول عشان بعد كده تلاقى حاجة تبني عليها اللى جاي كله بأحس أني مقصرة قوي مع نفسي
فيه حاجات كتيرة جدااا عاوزة أتعلمها وحاجات كتيرة عاوزة أراجع عليها -عشان الزهايمر طبعا :)- حاسة أني قدامي طريق طويل
بس ربنا يفتحها فى وشنا والطريق يطلع سهل وناخده على التالت ولا حاجة :D
وربنا معاك فى حياتك الجاية :)
سلام
أهلا بيكي منوراني بتعليقك
ردحذفمفيش مفر من كده لازم الواحد عشان يبدأ صح يبني نفسه الأول وصدقيني هيبقى كل حاجة سهله بعد كده
وده يفرق عن إن حد ممكن يقول أنا عملت إللي عليا وممكن يكون مقصر أو رجع في نص الطريق ومكملوش للآخر
في حاجة كمان بالنسبة للحاجات الكتير اللي عايزة تتعلميها ... مش مهم الكترة المهم فعلا إن يبقى فيه إضافة حقيقية.
متهيألي لو حد إتعلم حاجة صح وأتقنها بكل جوانبها ده يكون كفاية كبداية طريق.
وبعد الشر من الزهايمر عليكي :):]
والطريق الطويل ديما مش محتاج غير أول خطوة وهب وتلاقي نفسك خلصتي الطريق بالنجاح إن شاء الله
بس المهم نبدأ نتحرك
نورتيني مرة تانية بجد وبتمنالك حياة سعيدة جاية
على النعمة بتتكلم صح
ردحذفعموما كل ماتتعلم حاجة
بتزيدك معرفة
وياسلام لو حاجة فى كزا مجال
يعنى انا بحاول اوفق بين الجرافيك والبرمجة مع دراستى لكلية تجارة وحلمى انى ابقى كاتب ^_^
فى النهاية يطلع احلى طبق سلطة هدوقو فى حياتى
الله عليك يا محمد
ردحذفمتابع بجد وعلى طول مشجعني
العلم والمعرفة حاجة جميلة بس اللي أجمل من كده كمان إنك تعتمد على اللي إتعلمته في خطوات حياتك الجاية
ياااسلاااااام بيبقى شعور رائع إنك استفادت من اللي إتعلمته
وربنا يوفقك في محاولاتك المتعددة بس المهم إنك تفضل تحاول مهما كانت الصعاب اللي ممكن تقابلك
وبالهنا والشفا لأحلى شوب كوكتيل تبلع بيه في الآخر ورا السلطة هههههههه :):>
كلام جميل كلام معقول يا برنس
ردحذفانا عاجبنى فكرك والله
بس تصدق
الواحد نفسه يعرف كل حاجه فى كل شئ
عشان ابو العروسه
يبقى ناقص يبوس ايدك وانت بتتجوزها
بجد
الواحد لازم يبقى مالى مركزه
ومالى منصبه كده
وهو جاى يتجوز
ولا هو الجواز والشغل سبهلله يعنى
هههههههههههههه
ايمن باشا
رزقك الله بالدولارات
وانعم عليكبالعمارات
وافتكرنى معاك ساعتها بقى
كلامك جميل ومعقول وموزون بميزان بسكول
ردحذفالمهم هل ياترى هتلاقى اللى بتدور عليه بسرعه ولاهتتأخر اوى فى بلدنا اللى متأجره مفروش على رأى عمك نزار.
اما موضوع العروسه دا انصحك لوجه الله تعالى ان لاتقدم عليه فهو ياسيدى شر وشر وشر .............
عزيزى ايمن..
ردحذفمتتخيلش ببقى فرحان قد ايه لما الاقى انسان طموح زيك وواثق فى قدراته وامكانياته..
قد ايه عجبتنى كلمتك .. ان افضل استثمار يستثمره الانسان بيكون فى نفسه..
وقد ايه انا مقتنع بان الشغل كتير اوى .. بس فين الناس المؤهلة فعلا اللى تقدر تشغل الوظايف دى..للاسف كلنا معانا شهادات..لكن مش مؤهلين..واللى بيجتهد وياهل نفسه هتلاقى الشغل بيدور عليه..
على فكرة .. انا وظيفتى الاساسية مدير مالى وادارى فى احدى الشركات..فعلا بنعانى من نقص فى الوظائف وبخاصة المحاسبين..اللى ماليين البلد..بس للاسف نادر لما تلاقى انسان فيهم يستحق انه يشغل وظيفة
وعشان اشجعك ..بعرفك انى اتوظفت اول ما اتخرجت سنة 2008 وعمرى ماشلت هم انى ادور على شغل
واول شركة اتوظفت فيها هى اللى انا فيها دلوقتى .. متغيرتش..بل اترقيت فيها بسرعة.. عارف ليه؟؟
عشان لو فعلا استثمرت نفسك كويس وبقيت مميز هتلاقى مدير الشركة اللى انت فيها بيديلك اللى انتا عاوزه عشان متسيبهوش
هيستخسر يسيبك
هتفيد شغلك وهتستفيد
وهتحقق هدفك من خلال تحقيقك لهدف المنظمة اللى هتشتغل فيها
واصل وربنا يوفقك ولو ملقيتش شغل متقلقش..
استثمر وقتك وانت بتدور على شغل فى تطوير شخصيتك وتنمية مهاراتك..
هتلاقى الشغل هو اللى بيدور عليك
وهتتنطط عليه كمان
باحييك جدا على ثقافتك وروحك الجميلة .. وواثق انك هتنجح فى يوم من الايام..
خالص الود والتقدير..
أ/زناتي
ردحذفالله يكرمك يا رب ومش هنساك يا سيدي من الدولارات والعمارات متقلقش
وربنا معانا كلنا ....... آآآآمييييييييين
الأخت الغالية/ Saso
ردحذفوبالنسبة للسرعة فإني أحقق حلمي ده هيتوقف على هل أنا هقف في السكة ولا همشي في أهدافي وأحلامي ومش هتنازل عن تحقيها مع إقتناعي التام بتحقيقها
ونصيحتك دي بالنسبة للعروسة مع إن ده مش في خططي دلوقتي إلا إني بقولك إنه مش معقول يكون الجواز والإرتباط ده شر بأي حال من الأحوال
وردك علامة عندي
الغالي محمود
ردحذفالظاهر إننا متفقين في نسب الطموح عندنا إن ماكنتش إنت سابقني بمسافة المهم إن إحنا منبطلش طموح
وبهنيك على تفكيرك أولا وأخيرا بالنسبة لوظيفتك وشركتك اللي إنت شغال فيها ونظرتك للعمل صحيحة 100% لأن لما إنت تريح الوظيفة وتديلها حقها صاحب الشغل هيشيلك فوق راسه وهيريحك لأنك مريحه
يا رب دايما في الخير متجمعين .... آآمييييييييين
ده انت اهوه بتقول بسم الله شقا
ردحذفربنا يعينك وتبقى أد المسئولية
مسئولية ايه مش عارفة؟؟ هههههههههههه بس انت هتشوف أيااااااااام
لالالالالا مش بخضك ولا حاجة .... أهلا بيك في الأشغال الشاقة
مها ميهوووو